Website-Box CMS Login
Header 2019_1
Karo_leiste

Rainer Zwoag'sang

16-09-06-Titelfoto

„Mia zwoa, Christl und Werner, ham uns 2001 in an boarisch’n Berggasthaus auf ca. 1600 m kennag’lernt. Boid drauf hamma g’spürt, dass mia – außer’m Singan und Musizier’n – aa sonst no’ vui gemeinsam ham…! Und de Erkenntnis hot letztlich dazua g’führt, dass mia seit 2005 verheirat’ und in Windischgarst’n / OÖ wohnhaft san’.

 

Als „Rainer Zwoag’sang“ hamma uns da echt’n, ursprünglich’n Volksmusik verschrieb’n und bringan mit vui Freud’ de G’sangl auf Almen und bei zahlreich’n Musikant’ntreff’n in Wirtshäuser (u.a. 2014 beim Stanglwirt in Tirol) sowia bei etlich’n persönlichen Anlässen unter d’Leut. Seit 2010 samma aa selba Veranstalter und Mitwirkende des ¼-jährlich stattfindenden „Sänger- und Musikantenstammtisches“ im Gasthaus „Federlehner“ in Frauenstein / Molln. Neb’n dem Singan spuin mia aa no’ a wenger’l auf da Steirisch’n, da Zither, dem Raffele und mit unsere Gitarr’n.

 

Auf d’Welt kemma und aufg’wachs’n samma im Kaisertal bei Kufstein / Ebbs inTirol (d`Christl) und in Eisenerz / Stmk. (da Werner). Nach fast 40 Joahr in Tirol und Bayern betreu`n mia seit 2007 voller Freud als Halterleut ca. 130 Stückl Viech auf da Hansl-Alm am Hengstpaß. Und so neb`nbei bewirtschaft`n mia de Alm auf ca. 1200 m, wo die letztn 9 Joahr oiwei fleißig g’sungan und musiziert worn is.

 

Unser’m Herrgott samma  dankbar dafür, dass er uns die Gabe des Singens und Musizier’ns g’schenkt hot und unser’n Eltern dafür, dass des Pflanzerl guat pflegt ham und uns oiwei als Vorbild beim Dazualernen unterstützt ham!“

 

PS.: Von uns gibt  übrigens 2 CDs um jeweils 16,- Euro (nur bei uns über die u. g. Adresse oder Tel. Nr. erhältlich):

CD 1    “Almerisch – Landlerisch“, 28 Stückl`n, zusammen mit der „Hinteregger Stubnmusi“ und dem „Schuasterl Dreig`sang“

CD     “Griawig, flott und staad“, 24 Stückl`n, zusammen mit der „Traunseemusi“ und den „Großraminger Weisenbläsern“

 

Kontaktadresse:

„Rainer Zwoag’sang“

Christl u. Werner RAINER

Simbergweg 13

A-4580 Windischgarsten

Oberösterreich

E-Mail: are-w.rai-xya34[at]ddks-aon.at

Tel. 07562-54131, Mobil: 0664-87 66 361